手推輪椅 · 照顧者
外傭推輪椅要教佢啲乜？
8 個常見錯同正確做法（附中英對照清單）
香港好多屋企，日常推輪椅嘅係外傭姐姐。輪椅本身唔難用，但有幾個位唔講清楚，就好容易做錯。 輪椅王將最常見嘅 8 個位整理好，仲附一張中英對照清單，可以印出嚟貼喺屋企。
8 個常見錯
中英對照清單
買輪椅時可以帶埋外傭嚟學
30 秒重點
- 剎車先：坐落、起身、轉床之前，鎖晒兩邊剎車。睇做法
- 出街兩招：落斜倒後落；上路邊石踩後面條桿撬起前轆。睇圖
- 上的士：摺低椅背先放車尾，搬嘅時候捉車架。睇分別
- 唔好整唔見：安全帶穿好喺椅背，腳踏放固定位置。睇點做
- 帶埋外傭嚟：買輪椅時，職員可以順便教佢點用。睇點安排
8 個常見錯，一張圖睇晒
① ② 坐落、起身、轉床：剎車同腳踏先
① 鎖晒兩邊剎車
長者坐落、起身、轉床轉凳之前，一定要鎖晒兩邊剎車。停低等人、等 lift、喺斜路停低都要鎖。
如果照顧者年紀大或者唔想成日彎腰，可以揀上手柄控制下面剎車嘅款式，例如 Karma Ergo Lite KM-2501。
② 腳踏摺起或打開
扶長者起身之前，先將腳踏摺起或者向外打開，等長者雙腳踏實地面先起身。腳踏擋喺前面，好容易絆親腳。
③ ④ 出街兩招：落斜同上落路邊石
③ 落斜：轉身倒後落
斜路較斜嘅時候，向前推落去，長者會向前傾，照顧者亦較難控制速度。建議轉身倒後落：照顧者行喺下面，雙手捉實推手，慢慢落。
落斜前提醒長者坐好、背脊貼實椅背。
④ 上落路邊石：用腳踩踢桿
上：輪椅向前，用腳踩後面條踢桿，同時雙手向下壓推手，撬起前轆放上路邊石，再推上後轆。
落：轉身倒後，等後轆先慢慢落，再落前轆。初學可以喺屋企附近矮啲嘅級數先練幾次。
⑤ ⑥ ⑦ 搬上車、摺輪椅、上的士
⑤ 搬上車：捉車架
搬輪椅上車時，要捉車架。唔好捉扶手或者腳踏，因為可拆嘅部件會甩出嚟。坐墊、袋入面嘅嘢可以先拎出嚟，搬得輕啲。
⑥ 摺輪椅：手唔好放喺交叉位
摺輪椅時，雙手捉座位前後兩邊向上拉。手指唔好放喺座位底下嘅交叉支架位置，打開輪椅時就壓座位兩邊，唔好壓中間。
⑦ 上的士：先摺低椅背
好多手推輪椅嘅椅背可以向後摺低，摺埋之後矮咗，放得入的士車尾箱。外傭有時趕住上車，唔記得摺，推手就會伸出車尾，司機要用索帶拉住車尾門，車程中輪椅可能被刮花。
私家車冇呢條索帶，更加要摺。詳情睇《揀輪椅前要問嘅 9 條問題》。
⑧ 安全帶同腳踏：最易唔見嘅兩樣
安全帶：穿好喺椅背
安全帶用完冇扣返，周圍擺就好易唔見。輪椅王會將安全帶穿過椅背後面兩個窿嚟固定，咁就算解開咗，條帶都仲連住輪椅，唔會跌唔見。
腳踏：除低就放固定位置
可拆式腳踏除低之後，好容易唔知擺咗去邊。僱主可以提一提外傭：除低就放固定位置，例如輪椅後面個袋或者門口固定一格。
點樣教先記得？
買輪椅時帶埋外傭嚟。家人嚟陳列室揀輪椅時，可以帶埋外傭一齊嚟，職員會順便教佢使用要留意嘅地方，例如鎖剎車、摺埋同上落路邊石，幾分鐘就學識。
示範比講好。用簡單英文或者廣東話，一邊做一邊講，再請外傭自己做一次。頭一兩次出街，家人最好陪埋，喺屋企附近嘅斜路同路邊石練吓。
貼張清單喺屋企。下載上面嘅中英對照清單，印出嚟貼喺門口或者輪椅附近，隨時睇。
示意圖：買輪椅時，職員順便教外傭點用
常見問題
最重要係鎖剎車。長者坐落或者起身、轉床轉凳之前，一定要先鎖兩邊剎車；停低等人、等 lift 都要鎖。
其次係落斜要轉身倒後落，同埋上落路邊石要用腳踩後面條桿，撬起前轆。
斜路較斜嘅時候，建議轉身倒後落：照顧者行喺下面，雙手捉實推手，慢慢落。咁樣長者唔會向前傾，照顧者亦控制得到速度。
上路邊石：輪椅向前，用腳踩後面條踢桿，同時雙手向下壓推手，撬起前轆放上路邊石，再向前推上後轆。
落路邊石：轉身倒後，等後轆先慢慢落，再落前轆。初學可以喺屋企附近矮啲嘅級數先練幾次。
先摺埋輪椅，如果椅背可以向後摺低，記得摺埋。椅背唔摺，推手會伸出車尾，司機要用索帶拉住車尾門，車程中輪椅可能會被刮花。
搬上車時要捉車架，唔好捉扶手或者腳踏，因為可拆嘅部件會甩。
安全帶可以穿過椅背後面嘅兩個窿嚟固定，咁就算解開咗，條帶都仲連住輪椅，唔會跌唔見。
可拆式腳踏除低之後，要放返固定位置，僱主可以提一提外傭。
可以。買輪椅時，家人可以帶埋外傭嚟輪椅王陳列室，職員會順便教佢使用要留意嘅地方，例如鎖剎車、摺埋同上落路邊石，幾分鐘就學識。
本文係一般照顧要點，唔係醫療建議。長者轉移、起身等動作，如有特別情況，請按醫生、物理治療師或職業治療師嘅建議進行。 延伸閱讀：《手推輪椅大轆定細轆？》 ｜《香港無障礙交通一覽》
買輪椅，帶埋外傭姐姐一齊嚟
輪椅王喺香港經營輪椅及復康設備逾 16 年，團隊成員當中有註冊職業治療師、註冊護士及註冊中醫，熟悉長者同照顧者嘅實際需要。 歡迎預約嚟陳列室試坐、試推、試摺，職員會順便教外傭使用要留意嘅地方。
