手推輪椅 · 輕便輪椅
輕便輪椅點揀？
幾重先算輕、摺埋幾大、放唔放得入的士車尾
好多人一嚟就話：「我要最輕嗰部。」其實「輕」有兩個意思：搬上的士，定係搬上樓梯？ 而且輕唔等於好推。輪椅王幫你拆解清楚，先唔會買貴咗、又買唔啱。
搬上的士：12 kg 左右都得
搬上樓梯：揀 8 點幾公斤
好推睇軸承
30 秒重點
「輕」有兩個意思：搬上的士，定搬上樓梯？
只係搬上的士：唔使特登揀超輕
如果日常只係將輪椅抽上的士或私家車車尾，12 kg 左右嘅輪椅一樣搬得上。唔使為咗慳幾公斤，特登揀最貴嘅超輕款，可以按預算同其他需要揀。
要搬上樓梯：真係要揀超輕
屋企冇 lift，每層十幾級樓梯，要成部輪椅搬上落，就建議揀 8 點幾公斤嘅超輕款，例如 Karma KM-2501（8.5 kg）、Miki LK-16（8.7 kg）。照顧者年紀大，更加要揀輕。
如果係要連人一齊上落樓梯，就要考慮輪椅樓梯機，唔好徒手抬。
輕唔等於好推：「搬」同「推」係兩回事
好多客人以為超輕就一定超好推，其實唔係。好唔好推，主要睇牌子同軸承：日本品牌軸承做得好，就算重啲嘅型號都好推。 所以如果唔使搬上樓，與其追最輕，不如揀做工好嘅牌子。詳情睇《日本品牌輪椅點解貴咁多？》。
幾重先算輕？重量分 4 級
| 型號 | 重量 | 摺埋尺寸（長×寬×高） | 後轆 | 價錢 |
|---|---|---|---|---|
| Karma KM-2501 上手柄控制下剎 | 8.5 kg | — | 細轆 | $3,900 |
| Miki LK-16 車身窄 | 8.7 kg | 85 × 25 × 70.5 cm | 細轆 | $4,780 |
| Miki WLS-16 | 9.7 kg | 96 × 27 × 69 cm | 細轆 | $5,080 |
| Miki MO43JL-16 嬌小人士 | 9.9 kg | 84 × 26 × 67 cm | 細轆 | $2,880 |
| Miki LK-22 可以自己推 | 10 kg | — | 大轆 | $4,780 |
| Karma KM25-20 | 10.6 kg | 82 × 41 × 69 cm | 大轆 | $3,500 |
| Miki WLS-22 | 11 kg | 97 × 33.5 × 67 cm | 大轆 | $5,080 |
規格同價錢來自輪椅王產品頁（2026 年 11 月），一切以實物同最新報價為準。上面全部型號椅背都可以摺低。
摺埋幾大？放唔放得入的士車尾？
的士：一定放得落
椅背可以摺低嘅輪椅，摺埋之後放入的士車尾箱，車尾門閂得埋。就算放唔落，的士都有索帶拉住車尾門，所以的士一定放得落。
不過推手伸出車尾，車程中輪椅有機會刮花，所以上車前最好摺低椅背。
3 個常見誤解
✗「輪椅太輕會唔穩」
錯嘅概念。輪椅穩唔穩睇設計同車架，唔係睇重量。日本品牌超輕款承重一般係 100 kg，同一般輪椅一樣。
✗「超輕細轆會震啲」
唔會因為輕咗而震啲。大轆定細轆，主要睇用家會唔會自己推，同埋收納需要。詳情睇《手推輪椅大轆定細轆？》。
親手抽一抽、推一推最準
重量喺紙上睇唔出分別，親手抽上抽落就知。歡迎嚟陳列室，試抽、試推、試摺幾款輕便輪椅，再諗清楚係搬上的士定搬上樓梯。
平時推輪椅嘅係外傭，可以帶埋佢一齊嚟試，職員會順便教佢使用要留意嘅地方。
示意圖：親手抽一抽，就知有幾輕
常見問題
一般可以咁分：鋼管醫院款 17 kg 以上；一般鋁合金 12 至 15 kg；輕便 10 至 12 kg；超輕 10 kg 以下，例如 Karma KM-2501 重 8.5 kg、Miki LK-16 重 8.7 kg。
未必需要。如果只係搬上的士或私家車車尾，12 kg 左右嘅輪椅一樣搬得上。
真係要成部輪椅搬上樓梯，例如屋企冇 lift、每層十幾級，先建議揀 8 點幾公斤嘅超輕款。
唔係。重量影響「搬」，好唔好推就主要睇牌子同軸承。日本品牌軸承做得好，就算重啲嘅型號都好推。
唔會，呢個係錯嘅概念。輪椅穩唔穩睇設計同車架，唔係睇重量。日本品牌超輕款承重一般係 100 kg，同一般輪椅一樣。
的士車尾一定放得落。椅背可以摺低嘅輪椅，摺埋之後車尾門閂得埋；就算放唔落，的士都有索帶拉住車尾門。
不過建議揀摺背款，因為私家車冇索帶。
唔會因為輕咗而震啲。揀大轆定細轆，主要睇用家會唔會自己推，同埋放車尾、收納嘅需要。
嚟陳列室，親手抽一抽、推一推
輪椅王喺香港經營輪椅及復康設備逾 16 年，團隊成員當中有註冊職業治療師、註冊護士及註冊中醫，熟悉長者同照顧者嘅實際需要。 話我哋知輪椅係搬上的士定搬上樓梯，職員會建議合適嘅輕便款式。
