輪椅樓梯機 · 選購指南 · 2027 香港
輪椅樓梯機點揀？
價錢、撐桿式定履帶式｜2027 香港選購全攻略
樓梯機唔係越貴越好，亦唔係越平越抵。啱唔啱用，要睇三樣嘢：邊個坐、邊個揸、條樓梯係點。 呢篇用輪椅王賣樓梯機超過 10 年嘅經驗，一次過講清楚。
價錢約 $16,000 至 $95,000
履帶式一般 35° 以下
窄樓梯揀撐桿式
試坐先好買
一句講晒
香港輪椅樓梯機價錢大約 $16,000 至 $95,000。樓梯較闊、唔太斜（一般 35° 以下）、平台夠大，可以揀履帶式； 樓梯窄、斜、三角形轉彎或者係雲石，就揀撐桿式。最後仲要睇坐嘅人過唔過到櫈同揸嘅人駕駛能力。
揀樓梯機，要睇三樣嘢
好多人揀樓梯機，第一句就問「邊部最平」或者「邊部最好」。 其實冇一部樓梯機啱晒所有人：同一部機，喺公屋闊樓梯好易用，去到唐樓窄樓梯可能轉唔到身。
輪椅王揀機一定先問三樣嘢：邊個坐、邊個揸、條樓梯係點。 三樣都對得上，部機先真係用得安心。
揀樓梯機，先睇清楚條樓梯
97%
社聯 2020 年一項唐樓樓梯機服務研究發現，約 97% 受訪者認為用樓梯機比自己行、或者有人扶住行樓梯更安全； 超過九成照顧者表示服務幫到佢哋處理照顧上嘅困難、減輕照顧壓力。 （資料來源：香港社會服務聯會《「落得樓」樓梯機服務社會影響評估報告》，2020 年）
第一步：撐桿式定履帶式？
樓梯機主要分兩大類。履帶式好似坦克車咁，底部有兩條履帶貼住梯級上落； 撐桿式就係用轆同撐桿逐級撐上去。兩類最大分別係樓梯斜度同轉角空間： 一般履帶式只適合 35° 以下嘅樓梯，而且轉角平台要夠大；撐桿式就算樓梯更斜、更窄都去得到。
履帶式
樓梯斜度一般 35° 以下
轉角空間要較大平台
窄樓梯、三角形樓梯一般唔適合
雲石樓梯有機會損壞樓梯
放手停喺樓梯大部分情況企得穩，唔會滑落
適合公屋、屋苑、院舍、商場、文化場地等較闊樓梯
撐桿式
樓梯斜度較斜都得
轉角空間細好多
窄樓梯、三角形樓梯適合
雲石樓梯轆唔會滑，較適合
駕駛技術部分型號要求較高；有防翻裝置嘅型號較易上手
適合唐樓、村屋、私人單位、NGO 外展
影片：女士都可以輕鬆操作履帶式樓梯機（元倫 HKSC 970B）
第二步：睇清楚你條樓梯
除咗斜度，樓梯嘅形狀同轉角平台大細都決定揀邊類機。 直樓梯兩類都得；L 型、U 型樓梯，履帶式要有夠大嘅平台先轉到身； 三角形（扇形）轉彎樓梯同旋轉樓梯，一般就要用撐桿式。
直樓梯
履帶式 ✓撐桿式 ✓
L 型樓梯
履帶式：平台要夠大撐桿式 ✓
U 型樓梯
履帶式：平台要更大撐桿式 ✓
三角形（扇形）轉彎
履帶式：一般唔得撐桿式 ✓
旋轉樓梯
履帶式：一般唔得撐桿式：要睇尺寸
雲石樓梯、防滑條，都會影響揀機
雲石樓梯：撐桿式較適合
商廈大堂、私人屋苑會所常見雲石或者磨光石樓梯。撐桿式嘅轆唔會滑，較適合；履帶式用喺雲石樓梯，有機會損壞樓梯。
防滑條：睇佢點樣固定
梯級邊嘅防滑條如果太凸出，又係用膠水黐而唔係用螺絲鎖，樓梯機上落時有機會將佢拉鬆甚至整甩，所以要睇埋防滑條係點樣固定。
示意圖：雲石樓梯常見於商廈大堂同會所，揀機前要講清楚
第三步：邊個坐？過唔過到櫈？
樓梯機有三種載法：只載人（機上有座椅）、連手推輪椅一齊載， 亦有型號可以連電動輪椅一齊載。關鍵問題係：坐嘅人自己過唔過到櫈，即係由輪椅轉坐去樓梯機座椅。
要連輪椅一齊上落，樓梯機同輪椅加埋體積大好多，需要嘅樓梯空間一定大好多。 如果係好窄嘅樓梯，就唔可以有呢個要求，要揀機上已經有座椅、用家過櫈坐上去嘅型號。
坐嘅人自己過唔過到櫈？
過到
座椅式樓梯機空間要求細，窄樓梯都有機會用到
過唔到
載輪椅樓梯機連輪椅一齊上落，但要較闊樓梯同較大平台
樓梯太窄、又過唔到櫈？請傳相俾輪椅王，一齊諗辦法
身體狀況都要講清楚
坐嘅係一般長者，定係好似脊椎手術後、坐唔太穩嘅人？體重幾多？要唔要安全帶、頭枕？呢啲都會影響揀邊部機同配件。
輪椅王點樣同你傾
輪椅王團隊成員當中有註冊職業治療師及護士，傾坐樓梯機嘅人身體狀況時，可以有更多溝通，了解實際需要。如有特別身體情況，請先按個人情況請教你嘅醫生或治療師。
第四步：邊個揸？駕駛能力好重要
揸樓梯機唔使好大力。平日多數係外傭、伴侶，或者年長嘅兄弟姊妹負責。 舉個實例：一位身形斯文嘅女士，都可以載住一個 80 kg 嘅人上一條 20 級嘅樓梯。
不過，唔同型號對駕駛技術要求唔同。有啲樓梯機好依賴駕駛者經驗，萬一出錯，坐嘅人有機會跌落樓梯； 有啲就有防翻裝置，或者放手都企喺樓梯，容錯較高。如果係機構每日都要去唔同地方， 面對嘅突發情況多，就建議由體力較好嘅同事負責。
容錯較高
新手、年長家人
新手、年長家人
元倫 HKSC 970B：履帶式，大部分情況放手都企喺樓梯
GECKO SEAT：撐桿式，有防翻裝置
GECKO SEAT：撐桿式，有防翻裝置
要配合駕駛能力
價錢較相宜
價錢較相宜
WC-DW-MINI A、SW17：履帶式，適合公屋等較闊樓梯，買前要了解駕駛者能力
要較高技術
但最萬能
但最萬能
AAT s-max sella：撐桿式，窄樓梯、三角形樓梯都得，輕身易帶
影片：GECKO SEAT 撐桿式樓梯機操作示範
平嘅同貴嘅樓梯機，坐落去有咩分別？
價錢唔係唯一標準，但質素差嘅樓梯機，一試就知：落樓梯時，揸嘅人好似俾部機扯落樓梯， 要好大力拉住；坐嘅人就好似坐過山車，每落一級都突然跌一下。 質素好嘅樓梯機，落樓梯平穩，揸嘅人同坐嘅人都安心。所以輪椅王一定建議試坐、試揸先買。
真實個案
曾經有客人喺網購平台買咗一部平價樓梯機，頭一兩個月都識揸，用咗兩三個月之後，連人帶機一齊跌落樓梯， 斷咗多條骨，之後要花好多時間同金錢休養。
學識揸樓梯機唔難，難在知道點樣預防意外，同埋部機真係開始失控嗰刻點樣救返。 輪椅王交機時會教埋呢啲，呢樣係網購冇辦法做到嘅。
電池、機重同收納，都要諗埋
電池：一般唔使擔心
大部分樓梯機充一次電可以上超過 200 級。多數用鋰電池，亦有用鉛酸電池，視乎型號，日常使用分別唔大。有電量顯示，好似手機咁估到用到幾時。
上幾百級：帶後備電池
例如將軍澳華人永遠墳場有百幾級樓梯，上落幾次就幾百級，咁就帶多粒後備電池，換電就得。
越重越穩，越輕越易帶
一般嚟講，樓梯機越重，喺樓梯上越紮實、越穩陣；但如果 NGO 要帶住部機周圍去幫唔同嘅人，就要揀輕身啲嘅，例如 AAT s-max sella。
屋企放唔放得落
唐樓單位地方細，可以揀摺得細、或者座椅可以拆出嚟嘅型號，方便收納同搬運。
安全須知
!
濕滑唔好用樓梯一般濕滑都唔建議用，最緊要係地下冇油。
✓
出發前睇電量有電量顯示，長樓梯帶後備電池。
✓
扣好安全帶坐唔太穩嘅用家，可以考慮加配安全帶或者頭枕。
✓
有人後備最穩陣人手許可嘅話，樓梯下面多一個人照應，永遠係最安全嘅做法。
樓梯機推介：你屬於邊一類？六個常見情況
公屋、樓梯較闊
樓梯闊、唔太斜、樓層唔高，想自己隨時用，唔使等。駕駛者有一定能力，公屋樓梯機可以考慮萬幾蚊嘅履帶式。
MINI A／SW17
唐樓窄樓梯、外傭揸
樓梯窄、轉角細，平日由外傭或者家人一個人揸，想易啲上手，又有防翻保障。
GECKO SEAT
NGO 外展、長洲村屋
今日去唐樓，聽日去村屋，唔知會遇到咩樓梯。要一部差唔多所有樓梯都去到、輕身易帶嘅機。
AAT s-max sella
院舍、公共場地
樓梯闊、平台大，每日唔同職員揸，想要一部人人都揸得安心嘅機。
元倫 HKSC 970B
過唔到櫈、要連輪椅
用家轉唔到坐去樓梯機座椅，樓梯又夠闊、平台夠大，可以連手推輪椅一齊上落。
XSTO WC TR250T
雲石大堂、私人單位
雲石樓梯、三角形轉彎樓梯，怕整壞樓梯，又要轉細彎。
撐桿式
30 秒揀機：答三條問題
1／3坐嘅人自己過唔過到櫈（由輪椅轉坐去座椅）？
2／3你條樓梯係點？
3／3平日邊個揸？
初步建議
只係初步參考，實際要睇樓梯相片同試坐、試揸先決定。
2026 香港樓梯機價錢比較
| 型號 | 類型 | 參考價 | 樓梯斜度 | 承重 | 適合 |
|---|---|---|---|---|---|
| WC-DW-MINI A | 履帶式 | $16,000 | 一般 35°，最多 40° | 159 kg | 公屋、較闊樓梯，要配合駕駛能力 |
| SW17 | 履帶式 | $18,000 | 35° 以下 | 160 kg | 公屋、屋苑直樓梯 |
| XSTO WC TR250T | 履帶式（載輪椅） | $39,000 不含輪椅 | 35° 以下 | 130 kg | 過唔到櫈、要連輪椅上落 |
| 元倫 HKSC 970B | 履帶式（座椅／載輪椅） | $83,600 | 35° 以下 | 120 kg | 院舍、公共場地，人人都揸得安心 |
| AAT s-max sella | 撐桿式 | 約 $94,000 | 較斜都得 | 請查詢 | NGO 外展、窄樓梯、三角形樓梯 |
| GECKO SEAT | 撐桿式 | $95,000 | 較斜都得 | 160 kg 加強版 180 kg | 唐樓窄樓梯、一人操作 |
參考價為輪椅王 2026 年 10 月價錢，以產品頁為準。除 XSTO WC TR250T 外，以上型號均為輪椅王香港獨家代理。
四個常見迷思
❌ 樓梯機越平越抵？
平價質素差嘅樓梯機，落樓梯似坐過山車，揸嘅人又好似俾部機扯落去。萬一出事，醫藥同休養嘅代價遠遠多過慳落嘅錢。
❌ 撐桿式一定好難揸？
部分撐桿式對技術要求較高，但亦有型號有防翻裝置，例如 GECKO SEAT，駕駛能力較弱都較易上手。
❌ 履帶式一定最安全？
履帶式喺闊樓梯好穩陣，但樓梯太斜、太窄、三角形轉彎，或者係雲石樓梯，就未必啱用。
❌ 網購同門市買都一樣？
網購冇得試坐、試揸，冇人教你點樣預防意外同救機，壞咗亦未必有人執。輪椅王好多型號係獨家代理，網購平台買唔到。
樓梯機以外，仲有其他選擇
得幾級：斜台板
門口得一兩級，可以考慮便攜斜台板。斜台板長度要夠，太斜推輪椅會好危險。
入口幾級：升降台
銀行、商舖、學校禮堂等入口有幾級，可以考慮AIDBASE HKEL-980(L) 輪椅升降台，坐住輪椅都可以上落。
大廈管理處要留意：大廈如果冇無障礙設施，殘疾人士出入有困難，有機會涉及《殘疾歧視條例》，實際情況要經律師確定。
大廈亦有自己嘅難處，例如結構、預算同管理人手。樓梯機係其中一個唔使改動大廈結構嘅方案，可以同輪椅王傾吓。
點解喺輪椅王買樓梯機？
經驗賣樓梯機超過 10 年
選擇撐桿式、履帶式多款
獨家多款香港獨家代理
培訓教操作、教預防意外
香港實績尖沙咀文化中心、沙田大會堂、伊利沙伯醫院、渣打銀行、多間民政事務處
揀樓梯機，要有好多款樓梯機先揀得啱：有啲適合窄樓梯，有啲適合旋轉樓梯，有啲就算駕駛者能力唔係好強，出意外嘅機會都較低。 輪椅王會先了解邊個坐、條樓梯係點、邊個揸，再介紹合適型號俾你試。 AAT s-max sella、GECKO SEAT、元倫 HKSC 970B、SW17 同 WC-DW-MINI A 都係輪椅王香港獨家代理，網購平台買唔到。
影片：輪椅王為尖沙咀文化中心職員提供樓梯機培訓
影片：AAT s-max sella，歐洲救護車公司及 A380 客機都有使用
院舍、NGO：可以申請資助
安老院舍同提供社區服務嘅機構，可以申請社署樂齡及康復創科應用基金購買樓梯機。輪椅王可以提供原廠獨家代理證明，報價亦可以將培訓同保養分開列明，方便申請。
預約試坐、試揸
買之前可以預約喺門市試坐、試揸，親身感受落樓梯穩唔穩、易唔易控制，先決定揀邊部。
查詢前，準備好呢幾樣
查詢時，輪椅王會傳量度示意圖俾你，照住量就得到初步資料，好簡單，十個客十個都做到。 再加埋以下資料，就可以好快幫你揀出合適型號。
1
樓梯相片同影片由下望上、由上望落各一張，轉角平台都要影；有影片更清楚。
2
樓梯材質係咪雲石？梯級邊有冇防滑條？係用螺絲鎖定膠水黐？
3
坐嘅人體重、過唔過到櫈、坐唔坐得穩、有冇特別身體情況。
4
揸嘅人外傭、家人定機構同事？大概幾大年紀、有冇揸過樓梯機？
5
使用次數同地點每日上落幾多次？固定一條樓梯，定要去唔同地方？
示意圖：用手機影低樓梯，由下望上、由上望落各一張
常見問題
香港輪椅樓梯機價錢大約由$16,000至$95,000，視乎類型同型號。以輪椅王2026年10月價錢為例：履帶式WC-DW-MINI A約$16,000、SW17約$18,000、載輪椅嘅XSTO WC TR250T約$39,000（不含輪椅）、元倫HKSC 970B約$83,600；撐桿式AAT s-max sella約$94,000、GECKO SEAT約$95,000。
履帶式似坦克車咁用兩條履帶貼住梯級上落，適合較闊、唔太斜（一般35°以下）同平台夠大嘅樓梯，大部分情況放手都企喺樓梯上；撐桿式逐級撐上去，較斜、較窄、三角形樓梯都可以去，雲石樓梯亦較適合，但部分型號對駕駛技術要求較高。
一般履帶式樓梯機適用於35°以下嘅樓梯，個別型號可以去到更斜，但超過35°建議接受上門培訓。樓梯再斜，或者轉角平台細，就要考慮撐桿式樓梯機。
窄樓梯、三角形（扇形）轉彎樓梯一般要用撐桿式樓梯機，因為履帶式要較大嘅轉角平台。駕駛者經驗較少，可以考慮有防翻裝置嘅GECKO SEAT；要帶住周圍去唔同大廈，可以考慮較輕身嘅AAT s-max sella。
部分型號可以，例如XSTO WC TR250T可以連手推輪椅一齊上落，元倫HKSC 970B有座椅同載輪椅兩種模式。不過連輪椅一齊上落，需要嘅樓梯空間一定大好多，窄樓梯唔適合，要揀機上有座椅、用家轉坐上去嘅型號。
揸樓梯機唔使好大力，平日多數由外傭、伴侶或者年長兄弟姊妹操作，一位身形斯文嘅女士都可以載住80 kg嘅人上20級樓梯。不過唔同型號對駕駛技術要求唔同，要按駕駛者能力揀；機構每日要去唔同地方，就建議由體力較好嘅同事負責。
一般唔會。大部分樓梯機充一次電可以上超過200級，而且有電量顯示，好似手機咁估到用到幾時。如果要上幾百級，例如墳場嘅長樓梯，就帶多粒後備電池。
輪椅王賣樓梯機超過10年，有撐桿式同履帶式多款型號，大部分係香港獨家代理，網購平台買唔到。可以預約喺門市試坐、試揸，買機時會教操作，包括點樣預防意外。尖沙咀文化中心、沙田大會堂、伊利沙伯醫院、渣打銀行同多間民政事務處都有使用輪椅王提供嘅樓梯機。
傳張樓梯相嚟，幫你揀啱樓梯機
輪椅王喺香港經營 16 年，賣樓梯機超過 10 年，撐桿式、履帶式多款型號都有，大部分係香港獨家代理。 話俾我哋知邊個坐、邊個揸，再傳埋樓梯相片或者影片，我哋會介紹合適型號俾你試坐、試揸。
睇晒全部樓梯機 →