公共屋邨 · 頂層冇升降機 · 履帶式載人樓梯機
公屋頂層冇𨋢？
自己備一部樓梯機，方便隨時落街
全港公屋接近 99% 單位已有升降機服務，但部分舊式屋邨嘅頂層，礙於樓宇設計仍然冇𨋢。 對頂層嘅長者嚟講，每次覆診、返日間中心、落街買餸，都係一條樓梯嘅距離。
公屋樓梯一般低於 35°
履帶式放手一般唔會下滑
想落街就落街
一條樓梯，決定長者幾耐落一次街
以葵青區為例，房屋署資料顯示區內有 6 個屋邨、36 座有樓層冇升降機服務， 主要係舊樓嘅頂層。屯門友愛邨 11 座樓齡全部超過 45 年，每座頂層都冇𨋢， 而頂層住戶當中有唔少係長者。
膝頭唔夠力、行唔到幾層，長者就會越嚟越少落街， 家人亦擔心佢行樓梯跌親。載人樓梯機，正正係為呢類樓梯而設。
履帶式載人樓梯機：長者坐穩，由操作員喺後面操作
屋邨公用樓梯機，同屋企自己備一部
房屋署 2026 年起喺屯門友愛邨及樂富邨試行樓梯機，每邨引入兩至三部， 有需要嘅住戶可以預約使用；葵青區方面，房署表示正探討喺葵盛西邨試行嘅可行性。
公用樓梯機由屋邨統一安排，住戶按預約使用。 對每星期都要覆診、返日間中心嘅長者嚟講，未必次次都啱時間。 所以有啲屋邨住戶選擇屋企自己備一部：想落街就落街，臨時唔舒服要去睇醫生，都唔使等。
屋邨公用樓梯機
想落街／要覆診
↓
向屋邨預約
↓
等候安排時段
↓
按預約時間使用
適合：偶爾需要使用
屋企自己備一部
想落街／要覆診
↓
即刻用
臨時唔舒服？隨時落街睇醫生
點解公屋樓梯特別啱用履帶式樓梯機？
斜度一般低於 35°
35° 係分水嶺，好多履帶式樓梯機超過 35° 就用唔到。公屋樓梯一般低於 35°，正好喺適用範圍之內。
梯間空間較大
公屋樓梯同轉角平台一般比唐樓闊，履帶式樓梯機轉身較有空間。
放手一般唔會向下滑
履帶同時貼住幾級梯級，操作途中放手，部機一般會停留喺樓梯上，唔會向下滑行。
仍然要雙手扶穩
原廠要求操作時雙手扶穩把手，並由受訓人員操作；如情況許可，多一人喺樓梯下方照應最安全。
每個屋邨、每座樓嘅樓梯都唔同。揀機前，請先量度樓梯斜度、闊度同轉角平台，或者傳樓梯相片俾輪椅王初步了解。
四款履帶式樓梯機，點揀先啱自己？
HKSC 970B 獨家代理
座椅＋載輪椅雙模式，承重 130 kg。設防傾踏板、激光對位同前平地輪；座椅可拆除，減輕重量方便運送。
啱：樓梯闊、斜度平緩，想有座椅同載輪椅兩個選擇
SW17 獨家代理
自平衡輔助系統，協助機身貼合梯級角度；承重 160 kg，淨重 36.4 kg，可摺疊收納，附安全帶。
啱：乘客體重較重、屋企要摺埋收納
Mini A 獨家代理
機身輕巧，淨重 29 kg（電池另計 3 kg），承重 159 kg，可摺疊；最大斜度 40°，平台 120 × 90 cm 都適用。
啱：想要輕身、易收納；斜度超過 35° 建議先接受上門培訓
XSTO WC TR250T
載輪椅樓梯機，乘客坐住手推輪椅扣上機身上落，唔使轉坐；最大坡度 35°，承重 130 kg，設緊急停止開關同安全卡扣。
啱：長者轉坐有困難，想坐住自己輪椅上落（需配合兼容輪椅）
SW17 同 Mini A 都要由受訓人員操作；如操作員未能完全控制部機，原廠要求有助手喺樓梯下方協助。
點解揀輪椅王？
輪椅王喺香港經營 16 年，賣樓梯機已經超過 10 年。我哋堅持款式要夠多， 因為每部樓梯機適合嘅場景都唔同：地方越窄，駕駛難度越高；地方闊啲，選擇就多啲。 操作員嘅身體狀況未必咁好，就唔適合揀駕駛技術要求高嘅型號。
有啲屋苑每日操作樓梯機嘅人都唔同，可能係年紀較大嘅管理員。 遇到呢類情況，我哋會建議安全性較高、唔同人都容易上手嘅型號。
輪椅王團隊成員當中有註冊職業治療師及護士，對長者同行動不便人士嘅身體狀況同日常環境都有認識。 揀機時，我哋會將樓梯環境、操作員同乘客情況一併考慮，建議合適嘅型號。
樓梯環境
斜度、闊度、轉角平台
操作員
年紀、體力、係咪每日唔同人
乘客
坐唔坐得穩、體重、用唔用輪椅
↓
輪椅王團隊按實際情況一併考慮
↓
建議合適型號
查詢前，建議準備
樓梯相片
由下至上影成段樓梯，包括轉角平台同扶手。
簡單度尺
樓梯闊度、每級高度同深度、轉角平台大細。唔識度，輪椅王可以先教你點樣度。
長者情況
體重、能否自己坐穩同轉坐、有冇用輪椅（輪椅型號同闊度）。
操作員
日常由邊個操作、年紀同體力，會唔會有第二個人幫手。
常見問題
可以用載人樓梯機。長者坐喺樓梯機座椅（或坐住輪椅扣上載輪椅樓梯機），由受訓操作員喺後面操作，逐級上落。
公屋樓梯斜度一般低於 35°，梯間空間亦較大，好多時適合用履帶式樓梯機，但實際仍要先量度樓梯。
房屋署 2026 年起喺屯門友愛邨及樂富邨試行樓梯機，有需要嘅住戶可以預約使用；葵青區方面，房署表示正探討喺葵盛西邨試行嘅可行性。
是否適用於你屋邨、點樣預約，請向所屬屋邨辦事處查詢。
公用樓梯機一般要預約，多人需要時要早作安排。屋企自己備一部，想落街、覆診、返日間中心都可以按自己時間使用，臨時唔舒服要睇醫生亦唔使等。
輪椅王有啲住喺公共屋邨嘅客人，就係因為呢個原因自己購買樓梯機。
履帶式樓梯機以履帶同時貼住幾級梯級，操作途中放手，部機一般會停留喺樓梯上，唔會向下滑行。
不過原廠要求操作時雙手要扶穩把手，並由受訓人員操作。
有。XSTO WC TR250T 係載輪椅樓梯機，可載手推輪椅連乘客上落，最大坡度 35°，承重 130 kg；HKSC 970B 亦有座椅及載輪椅雙模式。
輪椅型號要配合，購買前請提供輪椅資料查詢。電動輪椅一般較重，要另行查詢。
如果每日操作嘅人都唔同，例如年紀較大嘅管理員輪班，輪椅王會建議安全性較高、唔同人都容易上手嘅型號，並安排操作培訓。
具體型號要視乎樓梯環境同使用者情況。
唔建議。樓梯同走廊係公用通道及走火通道，長期放置物件有機會阻塞通道。
Mini A 同 SW17 等型號可以摺疊，方便放返屋企收納。
輪椅王樓梯機只供購買，不設租用。970B 及 SW17 可以預約示範。
保養期視乎型號，例如 SW17 及 Mini A 為一年。購買後會提供操作培訓，安排按型號而定。
住公屋頂層，都可以想落街就落街
輪椅王喺香港經營 16 年，賣樓梯機超過 10 年，款式多， 會按你屋邨樓梯、操作員同長者情況，建議合適嘅樓梯機。
傳樓梯相片、簡單尺寸同長者情況俾輪椅王，我哋可以先幫你初步了解；部分型號可預約示範。