手推輪椅 · 醫院輪椅 · 家用輪椅
想買醫院嗰款輪椅返屋企？
5 個原因話你知醫院輪椅唔啱屋企用
好多客人一嚟就話：「我要醫院見到嗰款。」醫院輪椅見得多，好似好穩陣，但佢係為醫院設計：地面平、有職員推、要易清潔、要平。 搬返屋企、推出街，問題就嚟。
5 個原因
鋼管 vs 鋁合金
家用輪椅點揀
30 秒重點
- 人造皮：易清潔，但出街唔透氣，坐耐好焗。
- 冇手煞：醫院有職員推、地面平；屋企出街要上落斜路。
- 鋼管車架：一般 17 kg 以上，又易生鏽；鋁合金輕好多。
- 唔摺得背：放唔落的士車尾。
- 腳踏唔拆得：轉移上床唔方便。睇詳細
醫院點解用呢款輪椅？
醫院輪椅嘅設計，係配合醫院嘅環境同需要：地面平、少斜路、長期有職員推、每日要清潔消毒，又要大量採購。 加拿大 Rick Hansen 基金會嘅輪椅文章（2015）亦指出，商場、機場同醫院用鋼管輪椅，主要係因為成本；鋼管重，室內短途問題唔大，但出街就會影響操控。
換句話講，醫院輪椅喺醫院好用，唔代表屋企同出街都好用。
示意圖：醫院常見嘅鋼管、人造皮輪椅
5 個原因：醫院輪椅唔啱屋企用
① 人造皮：易清潔，但唔透氣
人造皮易抹易消毒，所以醫院同院舍常用；醫院長期開冷氣，坐落去問題唔大。但香港天氣潮濕，出街坐耐咗好容易焗同出汗，長者坐得辛苦。屋企用建議揀透氣布面。
② 冇手煞：醫院用唔著，屋企用唔得
醫院地面平，又長期有職員推住，所以好多醫院輪椅推手冇手煞。屋企同出街要上落斜路，照顧者需要喺推手上控制速度同停車，冇手煞會好吃力，亦唔安全。
③ 鋼管：重，又易生鏽
按輪椅王經驗，鋼管輪椅一般最少 17 kg 以上，用耐咗亦較易生鏽。而家大部分優質手推輪椅用鋁合金，例如 Miki 大轆款 12.5 kg，超輕款 LK-16 只係 8.7 kg，輕咗大約 4 至 8 kg。每日搬上搬落車、推上斜路，差別好明顯。
④ 唔摺得背：放唔落的士車尾
好多醫院輪椅淨係摺得窄，椅背摺唔落，高度太高，的士車尾箱放唔落。家用輪椅最好揀椅背摺得落嘅款式。
⑤ 腳踏唔拆得：上落床阻住
由輪椅轉移上床或者上梳化時，腳踏擋喺前面，人要扭身先過到，照顧者亦難企位。揀腳踏可以打開或者拆除嘅款式，轉移方便好多。
想當助行架扶住行？要小心
有客人話以前醫院款鋼管輪椅重，扶住行都勉強撐得住。但而家大部分優質手推輪椅係鋁合金，輕身好多，冇人坐嘅時候扶住佢行，有機會反車或者向前碌走。想扶住行，應該請教醫護人員揀合適嘅助行架。
揀家用手推輪椅：睇呢幾樣
自己推定要人推？
用家有機會自己推，揀有手推圈嘅大轆；一定要人推，又或者屋企窄，可以揀細轆。詳情睇《手推輪椅大轆定細轆？》。
真實例子：太太照顧丈夫
有位體力較弱嘅太太，要照顧體重較重嘅丈夫，想搵一部減輕自己負擔嘅輪椅。佢揀咗 8.7 kg 嘅 Miki LK-16，搬上的士、外遊搭高鐵都輕鬆好多。
示意圖：家用輪椅推手有手煞，落斜路易控制
常見問題
一般唔建議。醫院輪椅係為醫院環境設計：地面平、長期有職員推、要易清潔、成本要低。
屋企同出街用就會遇到 5 個問題：人造皮唔透氣、冇照顧者手煞、鋼管車架重又易生鏽、唔摺得背放唔落的士車尾、腳踏唔拆得令轉移上床唔方便。
鋼管輪椅成本較低但重，按輪椅王經驗一般 17 kg 以上，亦較易生鏽；加拿大 Rick Hansen 基金會指商場、機場同醫院用鋼管輪椅主要因為成本。
而家大部分優質手推輪椅用鋁合金，例如 Miki 大轆款 12.5 kg，超輕款 LK-16 只係 8.7 kg，搬上車同推上斜路都輕鬆好多。
醫院地面平，又長期有職員推住，所以好多醫院輪椅冇推手上嘅手煞。
屋企同出街要上落斜路，照顧者需要喺推手上控制速度同停車，冇手煞會好吃力，亦唔安全。
人造皮易抹易清潔，所以醫院同院舍常用；醫院長期開冷氣，坐落去問題唔大。但香港天氣潮濕，出街坐耐咗唔透氣，好容易焗同出汗，坐得辛苦。
屋企用一般建議揀透氣布面。
唔建議。以前醫院款鋼管輪椅重，扶住行勉強撐得住；但而家大部分優質手推輪椅係鋁合金，輕身好多，冇人坐嘅時候扶住佢行，有機會反車或者向前碌走。
想扶住行，應該請教醫護人員揀合適嘅助行架。
可以睇 5 樣：透氣布面、推手上有照顧者手煞、鋁合金車架、椅背摺得落、腳踏可以打開或者拆除。
另外要按用家自己推定要人推，揀大轆或者細轆。
資料來源（查閱日期：2026 年 11 月 11 日）
1. Rick Hansen Foundation：Manual wheelchairs are not all created equal（2015 年 5 月 8 日，英文）
2. Miki：綜合目錄 Vol.4.0.2（MPT-43JL 規格，原廠資料）
3. 輪椅王產品頁：Miki LK-16 (CRT-2) 規格
嚟陳列室，親手比較醫院款同家用款
輪椅王喺香港經營輪椅及復康設備逾 16 年，團隊成員當中有註冊職業治療師、註冊護士及註冊中醫，熟悉長者同照顧者嘅實際需要。 歡迎預約嚟陳列室試坐、試推、試摺，親身感受鋼管同鋁合金輪椅嘅分別。
