窄樓梯 · 院舍及家庭適用 · 有防翻裝置嘅撐桿式樓梯機
樓梯窄，履帶式入唔到、
撐桿式又怕揸唔好？兩個人就搞得掂
轉角平台得 85 至 90 cm 左右，履帶式唔夠位轉身；撐桿式夠位，但一般對操作員技巧要求高。 以往遇到「樓梯窄、操作員又唔熟手」，選擇好少。而家多咗一個做法。
轉角 85 cm 起都得
有防翻裝置
新手易上手
兩人配合更輕鬆
窄樓梯嘅兩難：履帶式唔夠位，撐桿式樓梯機又唔夠膽揸？
好多舊樓同院舍嘅樓梯，轉角平台只得大約 85 至 90 cm。 履帶式樓梯機要整部機連乘客喺平台轉身，呢個空間通常唔夠。
撐桿式樓梯機夠靈活，窄轉角都過到，但一般要操作員有一定經驗， 院舍新同事或者屋企人第一次用，難免擔心。
以往輪椅王遇到呢類情況，可以介紹嘅選擇唔多。 GECKO SEAT 嘅出現，就係為「樓梯窄、操作員又唔熟手」多提供一個安心嘅做法。
GECKO SEAT：夠位、有防翻裝置、易上手
三款樓梯機，按轉角大細同操作經驗配對
履帶式（HKSC 970B／980B）
適合：闊樓梯、斜度平緩、轉角平台大。
窄轉角：通常唔夠位轉身。
GECKO SEAT（撐桿式）
適合：轉角約 85 cm 或以上（L 形最少 85 × 85 cm）。
操作：有防翻裝置、每級自動停，經驗較少都易上手；兩人配合更輕鬆。
AAT s-max sella（撐桿式）
適合：轉角極窄，約 70 × 70 cm 都用到；機身輕，方便周圍帶。
操作：需要較多操作經驗。
簡單講：轉角約 85 至 90 cm、操作員唔太熟手，以往好難揀，而家 GECKO SEAT 就啱用。三款都由輪椅王代理，我哋會按你嘅樓梯同操作員情況建議。
點解 GECKO SEAT 撐桿式樓梯機易揸？
前置防翻支撐
隨撐桿動作自動伸出同收回，從前方承托機身，減低向前傾翻嘅風險。
LED 綠燈先行
把手上嘅 LED 會顯示機身係咪擺啱位置，綠燈先可以行，唔使靠經驗估。
每級自動停、放手即停
全自動模式下每行完一級自動停，放手再按先繼續，節奏清楚，唔怕失控。
純機械式梯級煞車
感應器離開級邊就靠重力觸發煞車，唔靠電力；上落全程由兩級承托。
GECKO SEAT 前置防翻支撐：隨撐桿動作自動伸出，從前方承托機身
兩個人就搞得掂：第二個人只需要輕輕一推
GECKO SEAT 一位受訓操作員已可獨自操作。但喺窄轉角位，輪椅王發現 只要多一位幫手，喺適當時候將機身輕輕推到樓梯級邊，定位就快好多、準好多，成件事容易好多。
第二位幫手唔需要出大力，亦唔需要識揸機。院舍可以由兩位職員配合；屋企可以係兩位家人，或者家人加外傭。
呢個配合用文字同相片好難講得清楚，但示範一次就明。歡迎預約到輪椅王親身睇示範，即場試吓兩人點樣配合。
GECKO SEAT 操作示範
無論一個人定兩個人操作，如情況許可，安排多一位人士喺樓梯下方照應，永遠係最安全嘅做法。
院舍同屋企，兩種情況都適用
院舍、日間中心
樓梯空間細，職員輪班、經驗唔一。GECKO SEAT 步驟固定、有綠燈提示，較易教識唔同同事；兩位職員配合，窄轉角都順手。交機包培訓，可安排需要操作嘅職員一齊參加。
屋企（冇電梯舊樓、唐樓）
家人唔係專業操作員，最需要易學同安心。平日一個人都操作得到；覆診或者轉角特別窄嘅樓層，有家人或外傭幫手輕輕一推就更輕鬆。
先度一度：你嘅樓梯啱唔啱 GECKO SEAT？
樓梯闊度
最少 55 cm。
每級深度及高度
每級深度最少 20 cm；級高 10 至 24 cm。
L 形轉角平台
最少 85 × 85 cm。
U 形轉角平台
最少 85 × 170 cm：平台深 85 cm，兩截樓梯連埋闊 170 cm。
轉角少過 85 cm，GECKO SEAT 就唔適用，可考慮 AAT s-max sella。唔肯定點度，輪椅王可以先教你自己量度，再按相片同尺寸初步評估。
常見問題
履帶式要整部機連乘客喺平台轉身，較適合闊樓梯同大平台，轉角得 85 至 90 cm 左右通常唔夠位。
呢類樓梯可以考慮撐桿式樓梯機，例如 GECKO SEAT：L 形轉角最少 85 × 85 cm、U 形最少 85 × 170 cm。實際是否適用，要先量度。
撐桿式一般對操作員技巧要求較高。GECKO SEAT 設有前置防翻支撐、LED 定位指示、純機械式梯級煞車，全自動模式下每行完一級自動停，放手即停，經驗較少嘅人都容易上手。
如再有一位幫手配合，操作會更加容易。
第二位幫手唔需要出大力，只需要喺適當時候將機身輕輕推到樓梯級邊，令定位更快更準，喺窄轉角位尤其有用。
具體做法最好親身睇示範。示範需要預約，上門示範另收費用。
唔係。一位受訓操作員已可獨自操作。
不過如情況許可，多一位人士配合或喺樓梯下方照應，操作會更容易，亦永遠係最安全嘅做法。
GECKO SEAT 操作步驟固定，有 LED 綠燈提示同每級自動停，較易教識唔同職員。
輪椅王獲原廠授權提供操作培訓，交機時包培訓，院舍可安排需要操作嘅職員一齊參加。
轉角少過 85 cm，GECKO SEAT 就唔適用。
轉角極窄（約 70 × 70 cm）嘅樓梯，可以考慮 AAT s-max sella，但操作員需要較多操作經驗。輪椅王可按樓梯相片同尺寸初步評估。
兩款都係座椅式撐桿樓梯機，都由輪椅王香港獨家代理。
轉角有 85 cm 或以上、操作員經驗較少、部機長期放喺同一棟樓 → GECKO SEAT；轉角更窄、要經常帶住部機周圍去，而操作員有較多經驗 → AAT s-max sella。
可以。GECKO SEAT 示範需要預約，上門示範另收費用。兩人配合嘅操作方法用文字同相片好難表達，建議親身睇示範。
購買後交機包操作培訓，保養一年。
樓梯窄、又怕揸唔好？親身嚟睇一次就明
輪椅王喺香港從事復康及工程設備逾 16 年，同時代理履帶式同撐桿式樓梯機， 係 GECKO SEAT 香港獨家代理，熟悉院舍同舊樓嘅窄樓梯情況。
預約示範，親身試吓兩人配合點樣令窄轉角變得輕鬆（上門示範另收費用）；亦可先傳樓梯相片同尺寸俾我哋初步評估。
