買樓梯機 · 安全 · 操作培訓 · 本地保養
點解樓梯機
唔建議喺淘寶購買？
樓梯機係載人嘅機械。買得返嚟只係第一步，仲要有人度尺、教操作、教你遇到危險點反應，同埋有本地保養。
上門度尺
受訓操作
本地保養
平唔等於啱
網上買樓梯機，睇落方便又平。但樓梯機唔係買返嚟插電就用， 每個樓梯都唔同，操作要受訓，遇到危險仲要識反應。
輪椅王喺香港從事復康及工程設備逾16年，見過唔少因為冇人教、冇人度尺而出現嘅問題。 呢頁講嘅，係我哋嘅經驗同原廠資料。
示意圖：使用者坐喺機身座椅，由操作員喺後面操作
一個真實故事
多年前，有客人喺淘寶買咗一部樓梯機，用咗兩至三個月。有一日，佢連機器一齊跌咗落樓梯。
輪椅王嘅經驗係：使用樓梯機，除咗知道點樣操作，更加重要，而好多人忽略嘅，係遇到危險時點樣急救同反應，令一部快要跌嘅樓梯機唔易跌。輪椅王有一套避免呢類情況發生嘅步驟，交機同培訓時會逐步示範。
輪椅王嘅經驗係：使用樓梯機，除咗知道點樣操作，更加重要，而好多人忽略嘅，係遇到危險時點樣急救同反應，令一部快要跌嘅樓梯機唔易跌。輪椅王有一套避免呢類情況發生嘅步驟，交機同培訓時會逐步示範。
喺淘寶買樓梯機，有咩風險？
冇人上門度尺
梯級高度、踏面深度、樓梯闊度同轉彎位都唔同，買之前要有人量度同評估，先知適唔適合。
冇人教操作同危險反應
樓梯機要受訓先操作，除咗識點用，仲要識遇到危險點反應。
保養同零件
電動機械同電池會有損耗，需要本地跟進；跨境買嘅話，維修同換零件好難處理。
電源同電池
充電器、插頭同電壓要配合香港，電池運輸亦有限制。
揀樓梯機，仲有三樣好多人唔知嘅嘢
樓梯斜度
除咗梯級高度同踏面深度，仲要由呢兩個數知道樓梯斜度。機種有最高斜度限制，例如 HKSC 970B 約 35°。
兩段樓梯之間嘅迴轉空間
樓梯轉彎或者有平台嘅位置，要夠地方迴轉。970B 轉彎位需要 105 × 210 cm（U 形）或 105 × 105 cm（L 形）；s-max sella 嘅 U 形樓梯平台大細，要向原廠代表或授權經銷商查詢。
操作員係邊個
四十幾歲壯健嘅人同七十幾歲長者操作，體力同反應可以差好遠。原廠亦要求操作員喺身體同智力上能夠應付各種操作情況，並受過訓練。
一齊評估
樓梯、迴轉空間同操作員要一齊睇，輪椅王上門時會一併了解。
操作員方面嘅比較係輪椅王經驗，並非指長者不能操作，而係揀機同培訓時要按操作員情況安排。
原廠資料列明嘅安全重點（以 AAT s-max sella 為例）
歐洲救護車公司及A380飛機使用信心保證
每次檢查安全煞車
每次使用前都要檢查安全煞車；煞車效果唔夠嘅話，絕對唔可以使用。
全程稍向後拉
爬樓全程要將機身稍向後拉向自己，保持張力，令車輪準確落喺下一級。
先練習，再載人
首次要先喺冇人乘坐時，用單級模式同最低速度練習。
意外情況
如果出現意外移動或煞車鬆脫，原廠建議喺安全時盡快關機；緊急時機身可能向後傾倒，安全煞車會防止機身滑落。
以上只係原廠資料嘅部分重點，並非完整操作指引；實際操作同危險反應，請以輪椅王培訓為準。
外形相似，唔等於同一部機
睇落一樣，用落唔同
有啲樓梯機外形同輪椅王代理嘅機相似，但唔係同一部機，用落先會發現好多問題。
輪椅王嘅經驗
輪椅王亦試過喺英國訂購樓梯機返嚟，使用時發生過零件鬆脫甩出嚟，係確確實實發生過嘅事。
貨源同版本
經其他渠道買到外形相似嘅機，貨源、版本同保養，輪椅王無法確認。
香港獨家代理
輪椅王係 AAT s-max sella 同 AIDBASE HKSC 970B 嘅香港獨家代理。
以上係輪椅王嘅經驗，唔代表任何特定品牌或平台。
輪椅王點樣協助你？
1 上門度尺
量度梯級高度、踏面深度、樓梯闊度同轉彎位，評估適合邊種機。
2 建議機種
按樓梯同使用者情況，建議撐桿式（s-max sella）或履帶式（HKSC 970B）。
3 交機同培訓
示範操作，同埋遇到危險時點樣反應，讓操作員練習。
4 本地保養同跟進
提供保養同維修，需要時再上門跟進。
查詢前，建議準備
樓梯相片
由下至上拍攝，包括轉彎位同欄河。
樓梯尺寸
嘗試量度梯級高度、踏面深度同樓梯闊度，輪椅王可以上門再度。
使用者情況
能否自己坐穩、需要幾多協助、有冇陪同人士。
操作員同輪椅資料
邊個會操作（年齡、體力）；輪椅類別、型號、闊度同重量。
常見問題
樓梯機唔係淘寶「唔可以」買，而係唔適合咁買。每個樓梯嘅梯級同轉彎位都唔同，買之前要有人上門度尺；買返嚟之後，亦要有人教你點樣操作，同埋遇到危險點樣反應；日後保養、換零件同跟進，亦需要本地支援。
樓梯機係載人嘅機械，用錯或者機器有問題，後果可以好嚴重，所以輪椅王建議經本地供應商購買。
輪椅王嘅經驗係：除咗識操作，更加重要，而好多人忽略嘅，係遇到危險時點樣反應，令一部快要跌嘅樓梯機唔易跌。
輪椅王有一套避免機器跌落嘅步驟，交機同培訓時會逐步示範。
以 AAT s-max sella 為例，原廠資料列明：每次使用前要檢查安全煞車；爬樓全程要將機身稍向後拉向自己，保持張力，令車輪準確落喺下一級；首次要先喺冇人乘坐時，用單級模式同最低速度練習。
如果出現意外移動或煞車鬆脫，原廠建議喺安全時盡快關機；緊急情況下，機身可能向後傾倒並躺喺梯級上，安全煞車會防止機身滑落。以上只係原廠資料嘅部分重點，實際操作請以培訓為準。
唔一定。有啲樓梯機外形同輪椅王代理嘅機相似，但唔係同一部機，用落先會發現好多問題。輪椅王亦試過喺英國訂購樓梯機返嚟，使用時發生過零件鬆脫甩出嚟，係確確實實發生過嘅事。
輪椅王係 AAT s-max sella 同 AIDBASE HKSC 970B 嘅香港獨家代理。經其他渠道買到外形相似嘅機，貨源、版本同保養，輪椅王無法確認。
需要。梯級高度、踏面深度、樓梯闊度同轉彎位，都會影響得唔得用。例如 s-max sella 原廠資料指爬樓高度最高 22 cm，踏面深度最少 12 cm；HKSC 970B 產品頁亦列明唔適合三角形或螺旋樓梯。
輪椅王可以上門度尺同評估，再建議適合嘅機種。
除咗梯級高度同踏面深度（由呢兩個數可以得出樓梯斜度），仲要睇兩段樓梯之間嘅迴轉空間，同埋操作員係邊個。
例如 HKSC 970B 產品頁列明最高樓梯斜度約 35°、轉彎位需要 105 × 210 cm（U 形）或 105 × 105 cm（L 形）空間；s-max sella 嘅 U 形樓梯平台大細，原廠資料指視乎輪椅尺寸等因素，要向原廠代表或授權經銷商查詢。
操作員方面，四十幾歲壯健嘅人同七十幾歲長者操作，體力同反應可以差好遠，所以揀機同培訓時要一併考慮。好多人都唔知呢幾點。
AAT s-max sella 原廠資料列明只可以由受訓人員操作，操作員要企喺機身後面，用雙手握住手柄；未成年人唔可以使用，只有受過監督訓練嘅 16 歲以上青少年例外。
HKSC 970B 嘅操作同訓練，請向輪椅王查詢。
價錢視乎機種、樓梯情況同配件，以輪椅王報價為準。提供樓梯相片同尺寸，輪椅王可以上門度尺後報價。
輪椅王可以上門度尺評估、建議機種、交機時示範操作同危險反應，並提供本地保養同跟進。
樓梯機，唔只係買一部機
輪椅王喺香港從事復康及工程設備逾16年，係 AAT s-max sella 同 AIDBASE HKSC 970B 嘅香港獨家代理， 可以上門度尺、交機培訓，並提供本地保養。
提供樓梯相片同尺寸，輪椅王可以協助進行初步評估；價錢以報價為準。
