建議先喺屋企走廊等熟悉嘅空間，用慢速度練直行、轉彎、停車同倒後；熟手後再去少人嘅屋苑平路，然後去用家實際會去嘅地方，最後先試斜路、搭𨋢同人多嘅地方。

頭幾次出街最好有家人陪同。

輪椅王送貨交收時，會教用家同家人點樣開機、充電、日常使用同清潔保養，直到完全識得操作，並喺屋企空間例如走廊俾用家初步試揸。

交收時亦會免費調校速度一次，唔會設定太快。

最難通常係倒後，因為技巧同向前唔同。輪椅王交收時會示範，並通常會設定倒後提示聲，等附近途人知道電動輪椅準備倒後。

倒後前先停定，望清楚後面，慢慢退。

好多新手會望住控制器，結果越行越偏。其實好似揸車咁，眼望前面遠啲嘅位置，見到偏左或者偏右，就用控制桿輕輕微調返，架車自然行得直。

唔好過度充電；充電時屋企要有人，留意充電器同電池，一有發熱、異味或冒煙等異常，如果安全就即刻熄掣。

將電動輪椅放喺通爽位置，遠離易燃物品，唔好放喺大門或走廊出入口，保持通道暢通。萬一有突發情況，以人身安全為先，即刻離開並致電 999。

想更安心，可以預備經消防處接納、列入消防處《設備清單》嘅手提滅火設備，例如滅火筒或滅火氈。香港法例規定，未列入清單或接納已過期嘅型號唔可以出售。

如有需要，輪椅王可以協助購買。

可以將速度再調慢，或者考慮加裝陪同者控制器，由家人喺後面操作。陪同者控制器適用於部分型號，另外收費，價錢視乎型號。

電動輪椅有電動模式同手推模式，靠後輪摩打旁邊嘅離合桿切換。電動模式下控制器操作輪椅，用手推唔郁；手推模式下摩打鬆開，可以用手推，但控制器唔會操作。

切換前先停喺平地，因為手推模式下剎車唔會鎖住。離合桿位置及款式視乎型號，交收時輪椅王會示範。