電動輪椅好唔好，要睇坐嘅人同用嘅地方。 入門市或者問人之前，先將以下 6 樣嘢諗清楚，揀嘅時候就唔會淨係睇價錢同重量。

網上好多電動輪椅標榜七、八公斤，好多客人一入門市就要求「10 kg 以下」。 但諗一諗：一部手推輪椅本身已經大約 10 kg， 電動輪椅即係手推輪椅再加一個控制器、兩粒電池、兩個摩打。 總重仲輕過手推輪椅，即係有啲嘢一定要慳。

輪椅王建議一般用家揀約 15 kg嘅電動輪椅：夠輕，同時仍然有足夠嘅控制器、電池同摩打。 例如 Carbon Lite WCKSM-507 碳纖車架約 15 kg（不含電池），一個人都提得起。

客人要求輕，最常見嘅原因係要搬上私家車尾箱，或者搭的士時唔想靠司機幫手搬。 呢個需要好實在，但解決方法唔一定係揀最輕嗰部：

車身太輕，喺斜路上面撞到障礙物，例如石屎邊、門檻，後面又冇人扶住，就有機會向後翻或者向側翻。 用家體重接近 100 kg，或者成日要上斜，輕身車更加容易側傾。 呢類用家應該揀30 kg 以上、轆厚實嘅傳統款。

輪椅王賣得最多嘅 Deluxe 500 加強版 就係呢類：車身 30 kg 以上（產品頁淨重 38 kg），前轆 9 × 3 吋、後轆 14 吋都比較厚實， 配防後翻小後輪，適合 100 kg 左右嘅用家（產品頁承重 120 kg）。上斜路嘅安全性，已經過多年實際使用驗證。

揀長者電動輪椅，控制器尤其重要。好嘅控制器會配編程器，可以調慢最高速度、加速同轉向。 有啲長者手震、反應慢，或者控制唔太好，車一推就衝、轉彎過急，就會左搖右擺，撞到途人。 調校過之後，部車會跟返用家嘅能力同家人嘅意願行。身體情況有變，設定亦可以再調。

香港行人路、屋苑平台、商場出入口都好多坑渠蓋同去水格。 轆太幼，有機會跌入坑渠罅，輕則卡住，重則令輪椅突然停車、用家向前衝。 揀轆要睇兩樣：夠唔夠大（過門檻、石屎邊）同夠唔夠粗（唔易跌入罅）。

輪椅王賣電動輪椅超過 16 年，見過唔少新款：未經市場考驗，有啲用一年左右就出問題； 價錢唔見得平啲，功能其實變化唔大。 相反，賣咗好多年嘅型號，常見問題早已知道點處理，零件亦容易補充。 揀電動輪椅，建議優先考慮賣咗多年、口碑穩定嘅型號。

電動輪椅要試過、傾過、調過先知啱唔啱。以下係門市常見嘅情況，網購同只睇規格都做唔到：

電動輪椅嘅鋰電池上機有限制，一般係單粒唔超過 300 Wh，或者兩粒每粒唔超過 160 Wh， 電池通常要拆出嚟隨身帶上機，輪椅就寄艙。 Carbon Lite WCKSM-507 嘅 24V 6Ah 電池符合航空規定。各航空公司要求唔同，出發前一定要先向航空公司查詢同預先申報。