大廈地下入口 · 3 至 8 級樓梯 · 輪椅無障礙
大廈地下得 3 至 8 級樓梯，輪椅點入去？
斜板、升降台、樓梯機點揀
好多醫療中心、診所、銀行同商舖都喺大廈地下，門口得幾級樓梯， 坐輪椅嘅人就入唔到。方案有三個，揀邊個，主要睇樓梯有幾高。
3 級：斜板或升降台
4 級：升降台
5 至 8 級：樓梯機
幾級樓梯，就擋住咗一班客人
對一般人嚟講，大廈門口三幾級樓梯唔算咩； 但對坐輪椅嘅長者、行動不便嘅病人嚟講，呢幾級就係入唔到門口嘅距離。
特別係開喺大廈地下嘅醫療中心、X 光檢查中心、診所， 客人當中本身就有唔少行動不便人士。輪椅王曾協助呢類中心，解決地下幾級樓梯嘅無障礙問題。
示意圖：大廈地下入口嘅幾級樓梯，坐輪椅就入唔到
第一步：數吓有幾多級，量吓有幾高
第 1–3 級約 60 cm 內・斜板都得
第 4 級約 72 cm 內・升降台極限
第 5 級以上要用樓梯機
每級樓梯高度唔同，級數只係大概。揀方案前，請量度由地面到最高一級嘅總高度，以及門口前面有幾多空位。
方案一：便攜斜台板（大約 3 級、60 cm 以內）
斜板最簡單，唔使電、唔使安裝，用完摺埋收起。但要留意：斜板唔可以太短。 按輪椅王經驗，流動斜板長度最少要係高度嘅 4 倍，先可以由人推輪椅上去； 短過 4 倍就太斜，好難推，亦好危險。
固定斜道就更長：屋宇署一般要求固定斜道坡度唔可以斜過 1:12。所以高度一高，斜板就會好長， 容易佔用行人路，影響途人。
Golden Smile WCMR1019 便攜斜台板
上下摺疊式高強度鋁合金，闊 75 cm。四款長度按高度揀：
150 cm（37 cm 以下）・180 cm（45 cm 以下）・210 cm（52 cm 以下）・240 cm（60 cm 以下）
啱：大約 3 級、門口前有足夠空位擺放斜板
斜板嘅限制
斜板要有人推輪椅上落，高度越高越吃力。如果門口前面係窄行人路，擺唔落 2 米幾長嘅斜板，就要考慮升降台或者樓梯機。
方案二：輪椅升降台（大約 3 至 4 級、72 cm 以內）
AIDBASE HKEL-980(L) 輪椅升降台 獨家代理
最大上升高度 72 cm，平台 100 × 69 cm，最大載重 120 kg。腳踏式油壓升降，不需電源，下降緩慢平穩。
啱：大約 3 至 4 級，想乘客坐住輪椅直接升上去
佔地細過斜板，用完摺埋
使用時佔地約 276 × 110 cm，用完可摺合至 117 × 75 × 20 cm，淨重 49 kg。適合銀行、商舖入口、歷史建築、學校禮堂等幾級樓梯嘅位置。
方案三：履帶式樓梯機（5 至 8 級）
超過 72 cm，升降台就應付唔到，斜板亦長到唔實際。呢個時候，履帶式樓梯機係最靈活嘅方案： 唔使改動樓梯、唔使安裝，用完推埋一邊。
不過，樓梯機唔係任何一部都一樣安全。有啲樓梯機價錢平，但好依賴操作員嘅技術， 一旦失手，乘客有機會跌落樓梯。安全系數較高嘅樓梯機，例如元倫 AIDBASE HKSC 970B， 絕大部分時間就算操作途中放手，部機都只會停留喺樓梯上。
依賴操作員技術嘅樓梯機
操作途中放手
↓
要靠操作員即時穩住
↓
一旦失手，乘客有機會跌落樓梯
安全系數較高（例如 970B）
操作途中放手
↓
絕大部分時間停留喺樓梯上
乘客同操作員都安心啲
元倫 AIDBASE HKSC 970B 獨家代理
座椅＋載輪椅雙模式，載重 130 kg。設防傾踏板、激光對位同前平地輪；座椅可拆除，減輕重量方便搬運。
啱：5 至 8 級、樓梯闊度足夠、要經常接待坐輪椅嘅客人
受訓操作，雙手扶穩
樓梯機要由受訓人員操作，操作時雙手扶穩把手。輪椅王會為管理處或中心職員提供操作培訓；如情況許可，多一人喺樓梯下方照應最安全。
已廣泛使用嘅機構
元倫（AIDBASE）樓梯機使用機構包括
醫院伊利沙伯醫院
文娛場地沙田大會堂
文娛場地尖沙咀文化中心
銀行渣打銀行
輪椅王協助大廈地下 X 光檢查中心、醫療中心
輪椅王為尖沙咀文化中心職員提供樓梯機操作培訓
入口無障礙，同《殘疾歧視條例》有冇關係？
《殘疾歧視條例》訂明，提供服務、設施或可供公眾進入處所嘅一方，唔可以在進入方法等方面歧視殘疾人士； 但條例亦設有「不合情理的困難」嘅例外，會考慮便利嘅合理程度、開支同財政情況等因素。
輪椅王曾協助部分大廈管理公司，以樓梯機作為入口無障礙嘅解決方案。有相關疑問，歡迎致電輪椅王傾吓實際情況。
以上只係一般資料，並非法律意見。是否構成歧視由平機會或法庭按個案判斷；裝設任何設備，都唔代表一定符合法例要求。
查詢前，建議準備
樓梯總高度
由地面量到最高一級嘅總高度，同埋級數。
門口前空位
門口前面同樓梯頂有幾多位，行人路有幾闊。
樓梯闊度及相片
樓梯闊度、每級深度，由下至上影一張相。
使用情況
大約幾耐用一次、由邊個操作、客人坐咩輪椅。
常見問題
視乎樓梯總高度：大約 3 級（60 cm 以內）可以用便攜斜台板或輪椅升降台；大約 4 級（72 cm 以內）可以用 HKEL-980(L) 輪椅升降台；5 至 8 級就建議用履帶式樓梯機，例如元倫 AIDBASE HKSC 970B。
級數只係大概，實際要量度總高度。
按輪椅王經驗，流動斜板長度最少要係高度嘅 4 倍，先可以由人推輪椅上去；短過 4 倍就太斜，好難推亦好危險。例如 60 cm 高，斜板最少要 2.4 米長。
固定斜道方面，屋宇署一般要求坡度唔可以斜過 1:12，即係 60 cm 高要大約 7.2 米。
高度越高，斜板就要越長。60 cm 已經要 2.4 米長嘅流動斜板，再高就會佔用大量行人路，影響途人，推輪椅上落亦更吃力。
呢種情況可以考慮輪椅升降台或樓梯機。
AIDBASE HKEL-980(L) 輪椅升降台最大上升高度 72 cm，大約應付到 4 級樓梯。
平台 100 × 69 cm，最大載重 120 kg，腳踏式油壓升降，不需電源，用完可以摺合收起。
唔係。有啲樓梯機價錢平，但好依賴操作員嘅技術，一旦失手，乘客有機會跌落樓梯。
安全系數較高嘅樓梯機，例如元倫 AIDBASE HKSC 970B，絕大部分時間就算操作途中放手，部機都只會停留喺樓梯上。無論揀邊款，都要由受訓人員操作。
元倫（AIDBASE）樓梯機已廣泛用於伊利沙伯醫院、沙田大會堂、尖沙咀文化中心、渣打銀行等機構。
輪椅王亦曾協助地下有幾級樓梯嘅 X 光檢查中心同醫療中心，解決入口無障礙問題。
《殘疾歧視條例》訂明，提供服務、設施或可供公眾進入處所嘅一方，唔可以在進入方法等方面歧視殘疾人士，但亦設有「不合情理的困難」嘅例外。
是否構成歧視由平機會或法庭按個案判斷。以上只係一般資料，並非法律意見，裝設任何設備都唔代表一定符合法例要求。
HKSC 970B 樓梯機同 HKEL-980(L) 輪椅升降台都可以預約示範。
HKEL-980(L) 提供一年機件保養。樓梯機只供購買，不設租用。
門口幾級樓梯，傳張相俾我哋睇吓
輪椅王喺香港經營 16 年，同時提供斜板、升降台同樓梯機， 係 AIDBASE 升降台及樓梯機香港獨家代理，會按你門口嘅實際高度同空間，建議最合適嘅方案。
傳樓梯相片、總高度同門口空位俾輪椅王，我哋可以先幫你初步了解；970B 同 HKEL-980(L) 可預約示範。
